Hey miq,
Unë jam Kejli dhe ky është blogu im i parë për Buzz Crew. Unë jam autore, moderatore, gazetare, influencer dhe kërcimtare. Sëfundmi jam dhe anëtarja më e re e Buzz Crew dhe kjo është tepër emocionuese. Përditshmëria ime e cila i përket botës së medias dhe televizionit të lejon të eksperimentosh me veshjet, por unë i qëndroj besnike stilit tim dhe jam një adhuruese e madhe e stilit urban, veçanërisht atleteve dhe i vesh ato pothuajse në çdo rast.
Ejani me mua në një udhëtim elegant me modelin më të ri që kam zgjedhur NEW BALANCE 550 ‘White Green’. Ky model ka lënë gjurmë në rrugët e qytetit dhe ka tërhequr vëmendjen e të gjithëve. Do t'ju shpjegoj pse këto atlete janë bërë një domosdoshmëri në koleksionin tim personal.
Atletet NEW BALANCE 550 janë atlete lifestyle të cilat e kanë origjinën nga viti 1989, kur lanë gjurmë mbresëlënëse në fushat e basketbollit në mbarë botën. NB 550 është kthyer në të preferuarën e modës globale. Silueta e ulët dhe e efektshme e 550 të kujton dizajnin e modës së fundit të viteve '80, ndërsa pjesa e sipërme prej lëkure të butë i jep atyre një pamje klasike për çdo epokë. Këtë here unë kam vendosur ta kombinoj këtë model me pjesën e poshtme të koleksionit të ri të Nike Tech Fleece. Siç mund ta keni vën re tashmë, stili i gjerë është karakteristikë e veshjeve të mia. Më shihni shpesh duke kombinuar këtë model me pjesën e sipërme të tyre, apo një crop të zi klasik.
New Balance e mia udhëtojnë me mua kudo dhe gjatë gjithë kohës, në çdo aktivitet timin: në ambientin e kërcimit, në xhirime, në studio, dhe gjithashtu në lokalet e mia të preferuara. Nëse jeni duke kërkuar për një atlete klasike me një prekje moderne, New Balance 550 'White Green' është e përkryer për ju.
I gjeni në dyqanet e Buzz dhe online.
Me shumë dashuri,
